Halkara bäsleşigiň ýeňijisi
2021-nji ýylyň 1-31-nji oktýabry aralygynda talyplaryň we ýokary okuw mekdepleriniň mugallymlarynyň arasynda “Classy English“ atly iňlis dili boýunça IV halkara onlaýn olimpiadasy geçirildi.
Geçirilen halkara olimpiadasyna dünýäniň dürli ýurtlary bilen birlikde Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň I ýyl talyby Ýupar Egirjäýewa hem gatnaşyp, I orna mynasyp boldy.
Daşary ýurt dillerini öwrenmek ýurdumyzyň ykdysady kuwwatynyň barha berkeýän, halkara hyzmatdaşlygynyň giň gerime eýe bolýan döwründe has-da uly ähmiýete eýe bolýar.
Ýurdumyzyň bagtyýar ýaşlary hem hormatly Prezidentimiziň tagallasy bilen daşary ýurt dillerini öwrenmegiň döwrebap usullaryndan peýdalanyp, ýurdumyzyň çäginde, halkara derejede geçirilýän ýaryşlarda baýrakly orunlara mynasyp bolýarlar.
Biz hem dünýäde ýurdumyzyň, institutymyzyň abraýyny artdyryp, üstünlik gazanan talyp deň-duşumyza şeýle buýsançly baýraklarynyň höwrüniň köp bolmagyny tüýs ýürekden arzuw edýäris.
Oraztäç ÇAPAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby.