GAHRYMAN ARKADAGYMYZYŇ «ATDA WEPA-DA BAR, SAPA-DA» ATLY KITABYNY WAGYZ ETMEK MAKSATLY DUŞUŞYK
2026-njy ýylyň 12-nji martynda Türkmenistanyň Daşary işler ministrliginiň Halkara gatnaşyklary institutynyň Jemgyýeti öwreniş ylymlary kafedrasynyň guramagynda türkmen halkynyň Milli Lideri Gurbanguly Berdimuhamedowyň «Atda wepa-da bar, sapa-da» atly gymmatly eseriniň mazmunyny talyplaryň arasynda giňden wagyz etmek maksady bilen duşuşyk geçirildi. Oňa institutyň professor-mugallymlary, Halkara žurnalistikasy fakultetiniň 1-nji ýyl talyplary gatnaşdylar.
Täsirli geçen duşuşykda çykyş edenler kitabyň atşynaslyk sungaty, arassa ganly atlaryň idelişi, atly sport görnüşleri, türkmen ýigidiniň ýakyn ýoldaşy bolan bedewler dogrusynda giňişleýin gürrüň berdiler. Şeýle hem, türkmen bedewiniň gadymy döwürden häzirki güne çenli dünýä dolan şöhraty we atlaryň halkara gatnaşyklaryndaky tutýan orny dogrusynda aýratyn bellediler. Kitapda beýan edilýän ahalteke bedewleriniň taryhy ähmiýeti, olaryň adam bilen bolan ruhy baglanyşygy talyplarda uly täsir galdyrdy.
Selbi BABAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 1-nji ýyl talyby.