EÝRANLY ÝAŞ DIPLOMATLAR BILEN TANYŞLYK SAPARY GEÇIRILDI
2026-njy ýylyň 16-njy oktyabrynda Türkmenistanyň Daşary işler ministrliginiň Halkara gatnaşyklary institutynda Eýran Yslam Respublikasynyň Daşary işler ministrliginiň ýaş diplomatlarynyň gatnaşmagynda tanyşlyk sapary gurnaldy.
Saparyň dowamynda myhmanlar Türkmenistanyň geljekki diplomatik işgärlerini taýýarlaýan türkmen diplomatiýasynyň milli mekdebiniň gündelik işi, okuw maksatnamalary we talyplaryň ylym-bilim almagy üçin döredilen döwrebap şertler bilen ýakyndan tanyşdylar.
Myhmanlar türkmen diplomatiýasynyň taryhy muzeýi, «Parahatçylyk medeniýeti» atly ÝUNESKO kluby we institutyň okuw studiýasy bilen tanyşdyryldy. Bu sapar hormatly myhmanlarda ýakymly täsir galdyrdy. Ondan başga-da belläp geçmeli zatlaryň biri institutda ikinji daşary ýurt dili hökmünde nemes, fransuz, ýapon, hytaý we arap dilleri bilen bir hatarda pars dili hem çuňňur öwredilýär. Şunuň bilen baglylykda, eýranly myhmanlary institutyň pars dilini öwrenýän talyplary aýratyn mähir bilen garşy aldylar. Tanyşlygyň dowamynda eýranly ýaş diplomatlar geljekki halkaraçy hünärmenleriň ýokary derejeli dil taýýarlygyna mynasyp baha berdiler.
Tanyşlyk saparynyň barşynda iki ýurduň arasyndaky dostlukly, hoşniýetli goňşuçylyk gatnaşyklarynyň taryhy ähmiýeti bellenilip geçildi. Şeýle-de, geljekde ýaş hünärmenleriň tejribe alyşmagyny dowam etdirmegiň ikitaraplaýyn bähbitlidigi nygtaldy.
Reşit WELLANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 4-nji ýyl talyby