ESSE ÝAZMAK BÄSLEŞIGINIŇ JEMLERI JEMLENDI
2025-nji ýylyň 24-nji oktýabrynda Türkmenistanyň Daşary işler ministrliginiň Halkara gatnaşyklary institutynda 2025-nji ýylyň “Halkara parahatçylyk we ynanyşmak ýyly” diýlip yglan edilmegi, BMG-niň döredilen güni mynasybetli ýurdumyzyň ýokary okuw mekdepleriniň talyplarynyň hem-de magistrleriniň arasynda “Türkmenistan – BMG: parahatçylygy, ynanyşmagy we dost-doganlygy üpjün etmegiň kepili” atly esse (düzme) ýazmak bäsleşiginiň jemleri jemlendi. Oňa ýurdumyzyň ýokary okuw mekdepleriniň talyplary hem-de magistrleri işjeň gatnaşyp, 200-den gowrak işler gelip gowuşdy. Bäsleşigiň netijelerine görä, I orna – 3 sany, II – orna 5 sany, III orna – 5 sany hem-de 35 sany höweslendiriji baýraklar kesgitlenildi.
Esse ýazmak bäsleşigine gatnaşyjylaryň eserleri parahatçylyk, ynanyşmak we dost-doganlyk temalaryny beýan edip, halkara gatnaşyklary babatda ýaşlaryň düşünjesini we döredijilikli pikirlerini hödürledi. Bu bäsleşik ýaşlaryň halkara syýasatyna bolan gyzyklanmasyny artdyrmak bilen çäklenmen, olara döredijilikli pikirlerini beýlekiler bilen paýlaşmak, dünýäde parahatçylygyň, ynanyşmagyň we dost-doganlygyň ähmiýetini giňden düşündirmek üçin uly mümkinçilikleri berdi.
Bäsleşik ýaşlaryň halkara gatnaşyklaryna bolan gyzyklanmasyny ösdürmekde möhüm ädim bolar.
Bäsleşige bagyşlanyp geçirilen dabarada ýeňijilere institutymyzyň diplomlary, hormat hatlary we ýadygärlik sowgatlary gowşuryldy.
Begmuhammet ORAZOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň III talyby.