“DIPLOMATLAR – PARAHATÇYLYKLY GATNAŞYKLARYŇ KÖPRÜSI” ATLY DÜZME BÄSLEŞIGI
2025-nji ýylyň 16-njy aprelinde ýaşlary daşary ýurt dillerini öwrenmäge höweslendirmek we dünýä diplomatiýasy baradaky düşünjäni çuňlaşdyrmak maksady bilen, Türkmenistanyň Daşary işler ministrliginiň Halkara gatnaşyklary institutynyň Dünýä dilleri kafedrasy tarapyndan institutyň ähli fakultetleriniň IV ýyl talyplarynyň arasynda“Diplomatlar – parahatçylykly gatnaşyklaryň köprüsi” atly iňlis dilinde düzme ýazmak boýunça bäsleşik geçirildi.
Bäsleşikde talyplar diplomatlaryň dünýäde parahatçylykly gatnaşyklaryň kemala gelmegindäki ornuna degişli garaýyşlaryny beýan etdiler. Bu bäsleşik häzirki zaman dünýäsi bilen ýüzbe-ýüz bolýan gapma-garşylyklaryň, düşünişmezlikleriň hem-de medeni aýratynlyklaryň çygrynda diplomatiýanyň ähmiýeti barada jemgyýetde habardarlygy ýokarlandyrmaga gönükdirilendir.
“Diplomatlar – parahatçylykly gatnaşyklaryň köprüsi” atly düzme bäsleşigi diňe bir ýaryş bolman, eýsem ýaş nesliň diplomatiýanyň dünýä derejesindäki täsirine düşünmegini gazanmak ugrunda möhüm çagyryş bolup hyzmat edýär.
Allaberdi MAMMEDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň
I ýyl talyby.