Düzme bäsleşiginiň ýeňijileri
2021-nji ýylyň 10-njy dekabrynda Halkara ynsanperwer ylymlary we ösüş uniwersitetinde Halkara Bitaraplyk güni mynasybetli geçirilen «Bаkу Bitarap Türkmenistan» atly iňlis dilinde makala ýazmak bäsleşiginiň jemi jemlendi. Iňlis dilinde çeper ýazuw bäsleşigi 2 derejede, ýagny I dereje žurnalistika hünärinde bilim alýan talyplaryň arasynda, II dereje bolsa beýleki hünärlerde bilim alýan talyplaryň arasynda geçirildi.
Bäsleşigiň maksady Türkmenistanyň Bitaraplyk derejesini, ýurdumyzyň gazanan üstünliklerini ýokary okuw mekdepleriniň talyplary tarapyndan iňlis dilinde çeper beýan etmegini gazanmakdan we dil ukybyny ýüze çykarmakdan ybaratdyr.
Bäsleşige Türkmenistanyň Daşary işler ministrliginiň Halkara gatnaşyklary institutynyň talyplary hem işjeň gatnaşyp, I dereje boýunça Halkara žurnalistikasy fakultetiniň talyplary Seýli Aryşow 2-nji orna, Sona Halykowa we Tawus Akjaýewa 3-nji orna mynasyp boldular.
Bäsleşigiň II derejesi boýunça Halkara gatnaşyklary fakultetiniň talyby Baýnazar Nepesow 1-nji orna, Halkara hukugy fakultetiniň talyby Şahnoza Eminowa 2-nji orna mynasyp boldular.
Bäsleşigiň ýeňijilerine degişli diplomlar hem-de ýadygärlik sowgatlary gowşuryldy.
Sona HALYKOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň IV ýyl talyby.