Durnukly ösüş maksatlary boýunça okuw sapagy geçirildi
2024-nji ýylyň 6-njy fewralynda Türkmenistanyň Daşary işler ministrliginiň Halkara gatnaşyklary institutynyň Durnukly ösüş maksatlary boýunça ylmy-usulyýet merkezinde 2023-2024-nji okuw ýyly üçin ylalaşylan okuw maksatnamasyna laýyklykda, Birleşen Milletler Guramasynyň Aşgabatdaky wekilhanasy bilen hyzmatdaşlykda Durnukly ösüş maksatlary boýunça okuw sapagy geçirildi. Okuw sapagynyň dowamynda Birleşen Milletler Guramasynyň Aşgabatdaky wekilhanasynyň wekilleri Durnukly ösüş maksatlary boýunça çykyş etdiler.
Okuw sapaklaryna Aşgabat we Arkadag şäherleriniň çäklerinde ýerleşýän Türkmenistanyň ýokary okuw mekdepleriniň wekilleri gatnaşdy. Onuň dowamynda sagdyn durmuşy we abadançylygy üpjün etmegiň, jogapkärli sarp edişligiň we önümçiligiň, gender deňliginiň, durnukly ösüş ugrunda Türkmenistanyň abraýly halkara guramalary bilen hyzmatdaşlygynyň, BMG-niň Durnukly ösüş maksatlaryna ýetmekde amala aşyrýan işleri we olaryň ähmiýeti dogrusynda gürrüň edildi. Şeýle hem, Durnukly ösüş maksatlaryna ýetmekde Türkmenistan döwletimiziň halkara başlangyçlarynyň we tagallalarynyň ägirt uly ähmiýeti barada bellenildi.
Gapbar HALLYÝEW,
Türkmenistanyň Daşary işler ministrliginiň
Halkara gatnaşyklary institutynyň mugallymy,
Durnukly ösüş maksatlary boýunça ylmy-usulyýet
merkeziniň utgaşdyryjysy