Diplomatik etika boýunça okuw sapagy
2023-nji ýylyň 27-nji aprelinde paýtagtymyzda ýerleşýän «Ýyldyz» myhmanhanasynda Diplomatik etika boýunça okuw sapagy geçirildi. Bu okuw sapagyna Türmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň talyplary gatnaşdylar. Bu treýningi myhmanhananyň direktory Hajymuhammet Seýidow alyp bardy. Duşuşygyň dowamynda H.Seýidow talyplara diplomatik protokol, halkara etiketiniň umumy ykrar edilen ýörelgeleri we daşary ýurtly myhmanlary garşylamagyň tertip-düzgünleri, kabul edişlikleri guramagyň usullary, köpçülik ýerlerinde we restoranlarda özüňi alyp barmagyň kadalary barada gyzykly maglumatlary gürrüň berdi.
Bu okuw sapagy halkara derejesinde bilim alýan talyplary häzirki zaman etikanyň we etiketiň düzgünleriniň esasynda syýasy, ykdysady we medeni gatnaşyklary baglanyşdyrmaga we halklaryň arasyndaky ysnyşykly gatnaşyklary ýola gomak wezipesiniň uly paýyna eýe bolýan geljekki ýaş diplomatlar üçin örän uly ähmiýeti boldy. Okuw sapagynyň ahyrynda talyplar H.Seýidowa özlerini gyzyklandyrýan sowallar bilen ýüzlenip, degişli jogaplary aldylar.
Gunça HAMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 3-nji ýyl talyby.