“Bütindünýä söwda guramasy we onuň hukuk esaslary” atly okuw sapagy
2024-nji ýylyň 29-30-njy maýynda Türkmenistanyň Maliýe we ykdysadyýet ministrliginiň hem-de Halkara söwda merkeziniň (ITC) bilelikde gurnamagynda Türkmenistanyň Daşary işler ministrliginiň Halkara gatnaşyklary institutynda “Bütindünýä söwda guramasy we onuň hukuk esaslary” atly okuw sapagy geçirildi. Bu okuw sapagyna Halkara ynsanperwer ylymlary we ösüş uniwersitetiniň, Ýagşygeldi Kakaýew adyndaky Halkara nebit we gaz uniwersitetiniň, S.A.Nyýazow adyndaky Türkmen oba hojalyk uniwersitetiniň, Türkmenistanyň Oguz han adyndaky Inžener-tehnologiýalar uniwersitetiniň, Türkmen döwlet ykdysadyýet we dolandyryş institutynyň, Türkmen döwlet maliýe institutynyň, Türkmenistanyň Telekommunikasiýalar we informatika institutynyň, Türkmen döwlet binagärlik-gurluşyk institutynyň, Türkmenistanyň Inžener tehniki we ulag kommunikasiýalary institutynyň mugallymlary we talyplary wideoaragatnaşyk arkaly gatnaşdylar.
Okuw sapagynyň dowamynda halkara bilermenler Bütindünýä söwda guramasynyň döreýiş taryhy, “Söwda we tarifler baradaky baş ylalaşygyň” (General Agreement on Tarifs and Trade - GATT) ähmiýeti barada gürrüň berdiler.
Okuw sapagynyň ahyrynda oňa gatnaşyjylar sorag-jogap alyşdylar we halkara bilermenler sowallara anyk mysallaryň üsti bilen jogap berdiler.
Ýupar EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby,
Durnukly ösüş maksatlarynyň Ýaş ilçisi.