Bütindünýä durnukly ulag güni
2023-nji ýylyň 24-nji noýabrynda Türkmenistanyň Inžener-tehniki we ulag kommunikasiýalary institutynda professor mugallymlaryň we talyp ýaşlaryň gatnaşmagynda «Bitarap-Türkmenistan bütindünýä durnukly ulag ulgamynda» atly ylmy-amaly maslahaty geçirildi.
Maslahatda BMG-niň kabul eden Kararnamasyna laýyklykda, her ýylyň 26-njy noýabrynyň «Bütindünýä durnukly ulag güni» diýlip yglan edilmeginiň ähmiýeti, manysy barada çykyş etdiler. Şeýle-de durnukly ulag ulgamy boýunça,hususan-da,halkara ulag gatnawlaryny artdyrmak, ekologik ulaglaryň ösüşine ýardam bermek, durmuş taýdan bähbitli ulag düzümleriniň we durnukly ulagyň beýleki ugurlarynyň ösdürilmegine ýardam bermek boýunça jemgyýetçilik biliminiň artdyrylmagyna gönükdirilen durmuş işleri barada durlup geçildi.
Maslahatyň ahyrynda halkara derejeli şeýle başlangyçlary öňe sürýän Türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözleri aýdyldy.
Annagül NAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.