“BMG-niň “Awaza syýasy Jarnamasy” atly Kararnamanyň durnukly ösüş üçin ähmiýeti” atly maslahat geçirildi
2025-nji ýylyň 20-nji oktýabryndaTürkmenistanyň Daşary işler ministrliginiň Halkara gatnaşyklary institutynda Jemgyýeti öwreniş ylymlary kafedrasy tarapyndan “BMG-niň “Awaza syýasy Jarnamasy” atly Kararnamanyň durnukly ösüş üçin ähmiýeti” ady bilen maslahat geçirildi. Oňa Jemgyýeti öwreniş ylymlary kafedrasynyň professor-mugallymlary we talyplar gatnaşdylar.
Maslahatda çykyş edenler bu täze kabul edilen Kararnamanyň deňze çykalgasy bolmadyk ösüp barýan döwletleriň ykdysady kuwwatyny berkitmekde we dünýä ykdysadyýetine goşulmagynda halkara raýdaşlyk ähmiýetini, esasan hem, söwdanyň, ekologiýanyň, durnukly ulag ulgamynyň ösdürilmegi üçin möhüm orny belläp geçdiler. Şeýle hem “Awaza syýasy Jarnamasy” atly Kararnamanyň kabul edilmeginde Türkmenistanyň ýokary halkara abraýynyň, parahatçylyk, ynanyşmak we hyzmatdaşlyk ýörelgelerini ilerletmekde öňdebaryjy ornunyň bardygy barada aýratyn nygtaldy.
Maslahatyň ahyrynda oňa gatnaşyjylar Gahryman Arkadagymyza, hormatly Prezidentimize dünýäde durnukly ösüşi, parahatçylygy, abadançylygy üpjün edýän oňyn başlangyçlarynyň mundan beýläk-de rowaçlanmagyny arzuw edip, hoşallyk sözlerini aýtdylar.
Rejepguly MAŞADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.