«BÄSDEŞLIGIŇ NAZARYÝETI» ATLY TEMA BOÝUNÇA WEBINAR GEÇIRILDI
2025-nji ýylyň 16-njy aprelinde Türkmenistanyň Daşary işler ministrliginiň Halkara
gatnaşyklary institutynda Türkmenistanyň Halkara parahatçylyk we ynanyşmak ýylynyň
dowamyndaky işleriniň hem-de ugurlarynyň Konsepsiýasyna laýyklykda webinar geçirildi.
Bu webinarda Türkmenistanyň Daşary işler ministrliginiň Halkara gatnaşyklary institutynyň
Halkara ykdysady gatnaşyklary kafedrasynyň uly mugallymy Mährijemal Mämedowa
çykyş etdi.
Webinar «Bäsdeşligiň nazaryýeti» temasyna bagyşlanyp, oňa sanly ulgam arkaly
Türkmenistanyň ýokary we orta hünär okuw mekdepleriniň mugallymlary we talyp ýaşlary
gatnaşdylar.Webinarde ýurdumyzyň eksport mümkinçiliginiň diwersifikasiýasy, senagatyň
gaýtadan işläp öndürýän pudagy, importy çalyşýan we eksporta nazarlandyrylan bäsleşige
ukyply senagat kärhanalary barada gürrüň edildi. Şeýle hem, «EKSPO—2025» sergisiniň
mysalynda milli ykdysadyýetimiziň bäsleşige şeýle ukyply harytlary we hyzmatlary
öndürýän innowasion nusgasyny dünýä tanyşdyran Türkmenistanyň milli pawilýony barada
hem bellenildi.
Webinaryň dowamynda ykdysady ösüşi gazanmakda bäsdeşligiň ähmiýeti we maksady
barada beýan edilen gürrüňler oňa gatnaşan talyp ýaşlar üçin örän täsirli boldy.
Döwletmyrat SAPARMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby.