Awazada halkara derejesinde duşuşyk geçiriler
Şu ýylyň 6-njy awgustynda “Awaza” milli syýahatçylyk zolagynda halkara ähmiýetli möhüm çäreleriň biri bolan Merkezi Aziýa döwletleriniň Baştutanlarynyň konsultatiw duşuşygy geçiriler. Bu duşuşyk Merkezi Aziýanyň döwlet Baştutanlarynyň 3-nji duşuşygy bolar. Ýeri gelende bellesek, birinji duşuşyk 2018-nji ýylda Nursultanda, ikinjisi bolsa 2019-njy ýylda Daşkent şäherinde geçirilipdi.
Hazar deňziniň türkmen kenarynda geçiriljek halkara ähmiýetli duşuşyklar döwletleriň arasyndaky dost-doganlyk gatnaşyklary, özara hyzmatdaşlygy ösdürmekde aýratyn ähmiýete eýedir. Häzirki wagtda geçiriljek çärelere görülýän taýýarlyk işleri giň gerim bilen alnyp barylýar.
Laçyn BERDIMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň talyby.