Aşgabatda Mejlisiň ýedinji çagyrylyşynyň birinji maslahaty geçirildi
6-njy aprelde hormatly Prezidentimiziň gatnaşmagynda Aşgabat şäherndäki Jemgyýetçilik guramalarynyň merkezinde Türkmenistanyň Mejlisiniň ýedinji çagyrylyşynyň birinji maslahaty geçirildi.. Mälim bolşy ýaly, 26-njy martda geçirilen saýlawlaryň netijeleri boýunça Türkmenistanyň Mejlisiniň deputatlarynyň 125-si saýlanyldy. Mejlisiň ýedinji çagyrylyşynyň birinji maslahatynda Mejlisiň deputatlarynyň arasyndan Mejlisiň Başlygy, onuň orunbasary, Mejlisiň komitetleriniň başlyklary saýlanyldy, şeýle hem deputatlaryň öňünde durýan esasy wezipeler kesgitlenildi. Maslahatyň barşynda Aşgabat şäheriniň 5-nji «Parahatçylyk» saýlaw okrugyndan saýlanan deputat D.Gulmanowa Türkmenistanyň Mejlisiniň Başlygy wezipesine saýlanyldy. Lebap welaýatynyň 77-nji «Farap» saýlaw okrugy boýunça deputaty G.Rozyýew Mejlisiň Başlygynyň orunbasary wezipesine saýlanyldy. Arkadagly Serdarymyz Mejlisiň Başlygy wezipesine D.Gulmanowany, Mejlisiň Başlygynyň orunbasary wezipesine G.Rozyýewi saýlamak barada kabul edilen Türkmenistanyň Kanunlaryna gol çekdi. «Türkmenistanyň Mejlisi hakynda» Türkmenistanyň Kanunynyň 3-nji maddasyna laýyklykda, täze çagyrylyşyň deputatlarynyň ygtyýarlyklary Mejlisiň birinji maslahatynda ykrar edilýär.
Ýusup MAŞADOW,
Türkmenistanyň Daşary işler ministrliginiň
Halkara gatnaşyklary institutynyň
Jemgyýeti öwreniş ylymlary
kafedrasynyň öwreniji mugallymy.