“Aşgabat Ginnesiň rekordlar kitabynda” atly döredijilik bäsleşigi geçirildi
2021-nji ýylyň 21-nji maýynda Türkmenistanyň Magtymguly Adyndaky ýaşlar guramasynyň Merkezi geňeşiniň yglan etmeginde Aşgabat şäheriniň esaslandyrylmagynyň 140 ýyllygy mynasybetliýurdumyzyň döredijilik bilen meşgullanýan ýaş waspçylarynyň arasynda “Aşgabat Ginnesiň rekordlar kitabynda” atly makala ýazmak boýunça döredijilik bäsleşigi geçirildi.
Bu bäsleşikde Aziýanyň merjen şäheri Aşgabadyň esaslandyrylmagynyň 140-ýyllygy mynasybetli hormatly Prezidentimiziň döredijilik zehininiň miwesi bolan, Berkarar döwletimiziň bagtyýarlyk döwrüniň ägirt uly özgertmeleriniň nyşanyna öwrülen paýtagtymyz Aşgabat şäherini giňden wasp etdiler. Şeýle bäsleşikleriň geçirilmegi ýaşlaryň döredijilik ukyplaryny kämilleşdirmekde olary döredijilik gözleglerine we üstünliklerine ruhlandyrmakda, şeýle-de ýaşlary sanly ulgamynda wagyz etmäge işjeň çekmekde, internet torlaryny netijeli peýdalanmaklaryny gazanmakda uly ähmiýeti bardyr.
“Aşgabat Ginnesiň rekordlar kitabynda” atly makala ýazmak boýunça döredijilik bäsleşiginde baýrakly orunlaryň içinde Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň 3-nji ýyl talyby Sona Halykowa 2-nji oruna mynasyp boldy.
Arzygül TEKEMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.