“Ak şäherim Aşgabat” atly 20-nji halkara köpugurly sergisi
24-25 maý aralygynda geçirilýän “Ak şäherim Aşgabat” atly sergini Türkmenistanyň Söwda-senagat edarasynyň sergiler merkezinde Aşgabat şäheriniň häkimligi we Türkmenistanyň Söwda-senagat edarasy tarapyndan gurnaldy. Bu sergi paýtagtymyzyň 140 ýyllygyna, Garaşsyzlygymyzyň 30 ýyllygyna, Bitaraplygymyzyň 25 ýyllygyna we 2021-nji ýylyň “Türkmenistan – parahatçylygyň we ynanşmagyň Watany” şygaryna bagş edildi. Ýyllaryň dowamynda halkara sergi şäher gurluşygy pudagynda abraýly sergä öwrüldi we oňa gatnaşyjylaryň sany ýylsaýyn artýar. Şeýle hem serginiň dowamynda binagärçilik bäsleşigi gurnaldy. Bu sergide täze taslamalar we teklipler, Aşgabat şäheriniň gurluşygy, senagat, medeniýet we ylym pudaklaryndaky üstünlikleri bilen tanyşmak üçin giň mümkinçilikler döretdi, şeýle hem hususy pudagynyň gazananlarynyň, işewür gatnaşyklaryny gurmak, işewür pikir alyşmak we täze tejribe toplamak üçin amatly platforma boldy. Sergide ýurduň öndebaryjy kompaniýalary, ýuridik şahslar, hojalyk subýekleri, ykdysady pudagynyň ösmegine möhüm goşant goşýan telekeçiler gatnaşdylar. Sergide türkmen paýtagtynyň binalarynyň we desgalarynyň gurluşygynda ulanylýan iň ösen binagärlik, gurluşyk-inženerçilik tehnologiýalary barada gürrüň edildi.
Ýulduz Astanowa,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň 1-nji ýyl talyby.