YLMY-AMALY MASLAHAT GEÇIRILDI
2025-nji ýylyň 25-nji martynda Türkmenistanyň Daşary işler ministrliginiň
Halkara gatnaşyklary institutynda Halkara hukugy we deňeşdirme hukuk öwreniş
kafedrasynyň guramagynda “Merkezi Aziýa ýurtlarynyň parlamentleriniň gurluşy
we onuň kanunçylyk binýady” atly ylmy-amaly maslahaty geçirildi. Ylmy-amaly
maslahaty Türkmenistanyň Daşary işler ministrliginiň Halkara gatnaşyklary
institutynyň Halkara hukugy we deňeşdirme hukuk öwreniş kafedrasynyň
mugallymy Baýgylyç Gylyçmyradow alyp bardy. Oňa Halkara hukugy fakultetiniň
talyplary, Türkmenistanyň Döwlet, hukuk we demokratiýa institutynyň hem-de
Türkmenistanyň Adalatçysynyň Diwanynyň wekilleri gatnaşdylar.
Ylmy-amaly maslahatda Türkmenistanyň Döwlet, hukuk we demokratiýa
institutynyň Türkmenistanyň hukuk ulgamyny kämilleşdiriş bölümuniň ylmy işgäri
Ýunus Muhammedow çykyş edip, Merkezi Aziýa döwletleriniň gurluşynyň we
dolandyrylyşynyň hukuk esaslarynda ruhy-medeni gymmatlyklarynyň umumylygy
we halkymyzyň milli özboluşlylygy dogrusynda belledi.
Ylmy-amaly maslahatyň dowamynda talyp ýaşlar özlerini gyzyklandyrýan soraglar
boýunça pikir alyşdylar.
Nurana ARNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.