YKDYSADY DIPLOMATIÝA UGRY BOÝUNÇA OKUW SAPAGY
Berkarar döwletiň täze eýýamynyň Galkynyşy döwrüniň Arkadag Serdarly bagtyýar ýaşlar ýylynda ähli ugurlar bilen birlikde Türkmenistanyň ykdysady diplomatiýasyny ösdürmek boýunça hem birnäçe işler ýerine ýetirilýär. 2023-nji ýylyň 26-njy dekabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň «Ykdysady diplomatiýa» ugruna degişli «Türkmenistanyň ykdysady syýasatynda makroykdysady görkezijileriň orny» atly temadan okuw sapagy geçirildi. Oňa institutymyzyň talyplary gatnaşdylar.
Okuw sapagyny Türkmenistanyň ussat mugallymy, Türkmenistanyň at gazanan ykdysatçysy, ykdysady ylymlarynyň kandidaty, dosent Täçmyrat Uwdiýew alyp bardy. Sapagyň dowamynda makroykdysady görkezijileriň kemala gelmegi, onuň ösmegi, taryhy döwürleri barada, makroykdysady görkezijileriň ykdysady syýasatymyzdaky orny hakynda talyplara giňişleýin maglumatlar berildi. Okuw sapagynyň dowamynda talyplar özlerini gyzyklandyrýan birnäçe sowallar bilen halypa mugallyma ýüzlenip, öz bilimlerini artdyrdylar.
Gyzylgül GURBANMUHAMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň mugallymy.