ÝAŞLARYŇ ARASYNDA BRIFING GEÇIRILDI
2025-nji ýylyň 25-nji fewralynda Türkmenistanyň Jemgyýetçilik guramalarynyň merkezi binasynda Türkmenistanyň Magtymguly adyndaky Ýaşlar guramasynyň Merkezi Geňeşiniň guramagynda “Parahatçylyk ýaşlaryň sesi” atly brinfing geçirildi. Brinfinge türkmen diplomatiýasynyň milli mekdebiniň talyplary bilen bir hatarda ýurdumyzyň ýokary okuw mekdepleriniň talyplarydyr mugallymlary gatnaşdylar.
Brifingde çykyş edenleriň arasynda Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň 5-nji ýyl talyby Gytja Atdaýewa we Halkara gatnaşyklary fakultetiniň 2-nji ýyl talyby Sahydöwlet Hümmetjumaýew çykyş etdiler. Talyplar öz çykyşlarynda Berkarar döwletiň täze eýýamynyň Galkynyşy döwründe “Halkara parahatçylyk we ynanyşmak ýyly” diýip atlandyrylan 2025-nji ýylda ýaşlar hakynda edilýän aladalar, şanly Bitaraplygymyzyň 30 ýyllygy mynasybetli alnyp barylýan işler, türkmen bitaraplygynyň aýratynlygy, onuň taryhy we şu güni hakynda giňişleýin gürrüň berdiler. Çykyşlardan soň, brinfinge gatnaşyjylar özlerini gyzyklandyrýan soraglar bilen çykyş edenlere ýüzlendiler.
Yslam ŞÜKÜROW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary we diplomatiýa
kafedrasynyň mugallym-öwrenijisi.