Sanly ykdysadyýete bagyşlanan seminar
2024-nji ýylyň 25-nji oktýabrynda Türkmenistanyň Daşary işler ministrliginiň Halkara gatnaşyklary institutynyň mejlisler zalynda «Sanly ykdysadyýetiň esaslaryny ýurduñ senagatynda durmuşa geçirmek» mowzugy boýunça seminar geçirildi. Seminara institutyň mugallymlary gatnaşdylar.
Bu seminar S.A.Niýazow adyndaky Türkmen oba hojalyk uniwersitetiniň Maglumat ulgamlary we sanly tehnologiýalar kafedrasynyň uly mugallymy Ataýew Amanmyrat tarapyndan geçirildi.
Seminaryň dowamynda mugallym gatnaşyjylara konseptual resminamanyň esasy ugry bolan milli ykdysadyýetiň ähli ugurlaryna we pudaklaryna sanly ulgamy ornaşdyrmagyň ähmiýeti barada jikme-jik gürrüň berdi. «Berkarar döwletiň täze eýýamynyň Galkynyşy: Türkmenistany 2022-2052-nji ýyllarda durmuş-ykdysady taýdan ösdürmegiň Milli maksatnamasynyň» we «Türkmenistanyň Prezidentiniň ýurdumyzy 2022-2028-nji ýyllarda durmuş-ykdysady taýdan ösdürmek boýunça maksatnamasynyň» şeýle hem ösen derejä ýetmegiň esasy şerti bilimlere we innowasiýalara esaslanýan ykdysady ösüşiň durnukly depginlerini üpjün edýän ýurtlar barada täsirli gürrüňler edildi. Seminaryň ahyrynda gatnaşyiylar bu mesele boýunça pikir alyşdylar.
Amanmyrat MYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň
mugallymy.