TALYP ÝAŞLAR ÜÇIN WAGYZ-NESIHAT ÇÄRESI GEÇIRILDI
2025-nji ýylyň 10-njy fewralynda Arkaç söwda merkezinde Birleşen
Milletler Guramasynyň Neşe serişdelerine we jenaýatlara garşy göreşmek
baradaky Müdirligi (UNODC) tarapyndan Ysraýyl Döwletiniň Türkmenistandaky
ilçihanasynyň goldawy bilen talyp ýaşlar üçin wagyz-nesihat çäresi geçirildi.
Bu çärä ýurdumyzyň birnäçe ýokary okuw mekdepleriniň, şol sanda
Türkmenistanyň Daşary işler ministrliginiň Halkara gatnaşyklary institutynyň
talyplary gatnaşdy. Çäräniň meýilnamasyna laýyklykda guramaçylar gatnaşyjylar
bilen sorag-jogap alşyp, gyzykly prezentasiýalar bilen çykyş etdiler.
Çäräniň dowamynda “Parahatçylyk we howpsuzlyk”, “Emosional intellekt”
ýaly temalar boýunça çykyşlar edildi we gatnaşyjylaryň arasynda işjeň çekişmeler
geçirildi. Aýratyn gyzyklanma döreden “Hakykatmy ýa toslama?” atly oýun ýalňyş
düşünjeler barada pikir alyşmaga mümkinçilik berdi.
Bu çäre bilim we pikir alyşmak üçin möhüm platforma bolup hyzmat etdi we
ýaşlary global howpsuzlyk we şahsy ösüş meselelerine çekmegiň ähmiýetine ünsi
çekdi.
Hemragylyç NURMÄMMEDOW,
Türkmenistanyň Daşary işler ministrliginiň
Halkara gatnaşyklary institutynyň
Dünýä dilleri kafedrasynyň mugallym-öwrenijisi.