Türkmen-rus hyzmatdaşlygy ösdürilýär
Türkmenistan bilen Russiýa Federasiýasynyň arasyndaky diplomatik gatnaşyklar 1992-nji ýylyň 8-nji aprelinde ýola goýuldy. Häzirki wagtda türkmen--rus strategik hyzmatdaşlygy halk hojalygynyň ähli ugurlary boýunça netijeli hyzmatdaşlyga esaslanýar.
10-njy iýunda hormatly Prezidentimiziň Russiýa Federasiýasyna resmi sapar bilen ugramagy strategik hyzmatdaşlyk häsiýetine eýe bolan hem-de dostluk, deňhukuklylyk, özara bähbitli hyzmatdaşlyk ýörelgelerine esaslanýan netijeli döwletara gatnaşyklary mundan beýläk-de hemmetaraplaýyn ösdürmegiň ýolundaky ädim boldy. Şeýle hem, hormatly Prezidentimiziň Russiýa Federasiýasynyň döwlet sylagy – “Dostluk” ordeni bilen sylaglanmagy möhüm taryhy wakalaryň biridir.
Şu ýyl Türkmenistan bilen Russiýa Federasiýasynyň arasynda diplomatik gatnaşyklaryň ýola goýulmagynyň 30 ýyllygy bellenilýär. Bu döwürde döwletara gatnaşyklar ugurlaryň giň gerimi boýunça üstünlikli ösdürildi. Şeýle-de, şu ýyl Aşgabatda iki ýurduň arasynda Dostluk we hyzmatdaşlyk hakynda Şertnama gol çekilmeginiň 20 ýyllygy bellenilýär. Bu resminama özara hormat goýmaga hem-de ynanyşmaga esaslanýan ikitaraplaýyn gatnaşyklaryň taryhynda möhüm tapgyr bolup, olaryň ösdürilmegine ýardam berdi.
Türkmenistan bilen Russiýa Federasiýasy dostlugyň, hoşniýetli goňşuçylygyň, taryhy gatnaşyklaryň berk binýadyna daýanyp, döwletara gatnaşyklary pugtalandyrýarlar. Iki ýurduň arasynda ykdysadyýet, energetika, ulag, senagat, oba hojalyk we beýleki birnäçe ulgamlarda hyzmatdaşlygyň bilelikdäki ösüşini amala aşyrýarlar.
Arazgül Ballyýewa,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
II ýyl talyby.