Türkmen-gazak gatnaşyklary barada okuw sapagy geçirildi.
2024-nji ýylyň 3-nji dekabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkezinde okuw sapagy geçirildi.
Okuw sapagynda Türkmenistanyň Gazagystan Respublikasyndaky Adatdan daşary we Doly ygtyýarly Ilçisi Batyr Rejepow türkmen-gazak gatnaşyklary olaryň halkara guramalarynyň çäklerindäki hyzmatdaşlygy, hem-de Gazagystan Respublikasynyň diplomatiýasynyň aýratynlyklary barada giňişleýin gürrüň berdi. Ýeri gelende belläp geçsek, Türkmenistan bilen Gazagystanyň arasyndaky diplomatik gatnaşyklary 1992-nji ýylyň 5-nji oktýabrynda ýola goýuldy. Okuw sapagynyň dowamynda energetika diplomatiýasynyň halkara gatnaşyklary ulgamyndaky ähmiýeti, ösüşi we Türkmenistanyň energetika diplomatiýasynyň esasy ugurlary, olaryň iş ýüzündäki orny we bu babatda Türkmenistanyň alyp barýan halkara hyzmatdaşlygy hem-de türkmen-gazak dostlukly gatnaşyklarynyň taryhy barada bellenilip geçildi.
Talyplar üçin bu okuw sapagy örän täsirli bolup, olar özlerini gyzyklandyrýan sowallara giňişleýin jogap aldylar.
Sahyjemal MYRATBERDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.