TELEFON WE ONUŇ ÝETIRÝÄN TÄSIRINE BAGYŞLANAN SEMINAR
2024-nji ýylyň 12-nji aprelinde Türkmenistanyň Daşary işler ministrliginiň Halkara gatnaşyklary institutynda Halkara ykdysady gatnaşyklary fakultetiniň talyplarynyň hem-de telekeçi Agamyrat Nazarowyň gatnaşmagynda seminar sapagy geçirildi.
Seminar «Telefon we täsirleri» atly tema bagyşlandy. Telekeçi, pedagog we psiholog Agamyrat Nazarowyň öýjükli telefonlarynyň we internediň amatly taraplary bilen birlikde onuň kemçilikleri, ýagny onuň adamzadyň durmuş psihologiýasyna edýän täsiri barada beren gürrüňleri biz talyplaryň maglumat aragatnaşyk ulgamyny dogry we netijeli peýdalanmagyň zerurdygyny tassyklaýan maglumatlar gorumyzy artdyrdy.
Häzirki döwürde özüniň aktuallygy bilen tapawutlanýan tema bagyşlanan seminar örän täsirli we şahsy garaýyşlaryň çekeleşiklerine baý boldy. Talyplaryň arasynda telefona baglylyk barada gysgajyk testiň geçirilmegi has-da täsirli boldy. Okuw sapagynyň ahyrynda talyplar A.N.Aşyrgeldiýewiçe özlerini gyzyklandyrýan sowallar bilen ýüzlenip, degişli jogaplary aldylar.
Muhammetnazar AMANDURDYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby.