Täsirli okuw seminary
Häzirki günlerimizde daşary ýurt dillerini, aýratyn hem, iňlis dilini öwrenmegiň ähmiýetine uly üns berilýär. Iňlis dili sapaklarynyň netijeli okadylmagy barada birnäçe işler amala aşyrylýar. 2023-nji ýylyň 23-nji oktýabrynda Türkmenistanyň DIM-niň Halkara gatnaşyklary institutynyň Dünýä dilleri kafedrasynyň mugallymlary üçin daşary ýurt dilini öwretmegiň möhüm ugurlary barada okuw-seminary guraldy. Bu okuw seminaryny Amerikanyň Birleşen Ştatlarynyň Türkmenistandaky ilçihanasynyň “Fulbright” maksatnamasy boýunça hünärmeni Jenap Jon Simpson tarapyndan alnyp baryldy.
Hünärmeniň “Daşary ýurt dilini öwretmegiň usullary we tärleri” temasynda gurnan bu okuw-seminarynda iňlis dilini öwretmegiň dürli usullary barada taýýarlan slaýdly çykyşy talyplara iňlis dilini öwretmegiň netijeli usullary barada giňişleýin maglumatlary özünde jemleýär. Hünärmeniň bu ugurdan toplan iş tejribesinden alnan mysallar arkaly ýumuşlaryň ýerine ýetirilmegi okuw-seminarynyň täsirini artdyrdy. Mugallymlar okuw-seminarynyň dowamynda hünärmen bilen bu temada özara pikir alyşdylar. Okuw-seminary gyzykly geçdi we mugallymlaryň iş tejribesiniň artmagyna ýardam eder.
Maýa ATAJANOWA,
Türkmenistanyň Daşary işler ministrliginiň
Halkara gatnaşyklary institutynyň
Dünýä dilleri kafedrasynyň
uly mugallymy