YLMY SEMINAR GEÇIRILDI
2025-nji ýylyň 28-nji martynda Türkmenistanyň Daşary işler ministrliginiň
Halkara gatnaşyklary institutynda Jemgyýeti öwreniş ylymlary kafedrasynyň
ýanynda hereket edýän “Paýhas we parasat” atly ylmy gurnagynyň guramagynda
ylmy seminar geçirildi. Onda Jemgyýeti öwreniş ylymlary kafedrasynyň
mugallymlary çykyş etdiler.
Ylmy seminar Gahryman Arkadagymyzyň “Hakyda göwheri” atly ajaýyp
kitabynyň many-mazmunyny talyp ýaşlara düşündirmek maksady bilen geçirilip,
onuň dowamyndaky bäsleşige Halkara gatnaşyklary, Halkara hukugy, Halkara
ykdysady gatnaşyklary, Halkara žurnalistikasy fakultetlerniň talyplary gatnaşdylar.
Bäsleşikde her topar 5 talypdan ybarat bolup, Gahryman Arkadagymyzyň “Hakyda
göwheri” atly ajaýyp eseriniň bölümlerine degişli çykyş etmek, emin agzalardan
düzülen topar tarapyndan Gahryman Arkadagymyzyň “Hakyda göwheri” atly
ajaýyp eserinden taýýarlanan soraglara jogap bermek, eserde ýerleşdirilen taryhy
ýadygärlikleri we şahsyýetleri tanamak, taryhy maglumatlara degişli tiz soraglara
jogap bermek ýaly şertlerden ybarat boldy.
Toparlar bäsleşige ýokary derejede taýýarlyk görüp, çekeleşikli ýagdaýda
geçdi. Talyplaryň ýerine ýetiren çykyşlary emin agzalarynda ýakymly täsir
galdyrdy. Bäsleşigiň netijesinde I we II orunlara Halkara gatnaşyklary fakultetiniň
talyplaryndan ybarat bolan toparlar, III orna Halkara ykdysady gatnaşyklary
fakultetiniň talyp ýaşlary mynasyp boldular.
Ýeňijiler we bäsleşige gatnaşyjy talyplar ýadygärlik sowgatlar we institutyň
Hormat hatlary bilen sylaglandylar.
Şyhdurdy ŞYHYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.