SEÝITJEMALEDDIN ÝADYGÄRLIKLER TOPLUMYNA GEZELENÇ GURALDY
2024-nji ýylyň 18-nji martynda Türkmenistanyň Daşary işler ministrliginiň Halkara gatnaşyklary institutynyň mugallymlarynyň hem-de talyp ýaşlarynyň gatnaşmagynda Aşgabadyň gündogarynda ýerleşýän — Änew şäheriniň golaýyndaky gadymy Seýitjemaleddin ýadygärlikler toplumyna gezelenç guraldy. Bu gezelenç Änew şäheriniň «Türki dünýäsiniň medeni paýtagty» diýlip yglan edilen ýylynda türkmen medeniýetini we taryhyny içgin öwrenmekde aýratyn ähmiýete eýedir.
Gezelenjiň dowamyna hünärmenleriň Seýitjemaleddin ýadygärlikler toplumynyň taryhy, medeni goraghananyň çäklerinde arheologlar tarapyndan üsti açylan tapyndylar, düýpli gözlegleri talap edýän gymmatlyklar barada beren gyzykly gürrüňleri ýaşlaryň maglumat goruny örän baýlaşdyrdy.
Meretnur MEREDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.