Rus diliniň halkara gününe bagyşlanyp çäre geçirildi
2024-nji ýylyň 6-njy iýunynda Türkmenistanyň Daşary işler ministrliginiň Halkara gatnaşyklary institutynda Rus diliniň halkara gününe hem-de A.S.Puşkiniň doglan gününiň 225 ýyllygyna bagyşlanyp çäre geçirildi. Oňa bu ýokary okuw mekdebiň mugallymlary we talyp ýaşlary gatnaşdylar.
Çäräniň dowamynda Dünýä dilleri kafedrasynyň mugallymy tarapyndan «A.S.Puşkin hakynda näme bilýärsiňiz?!» atly wiktorina gurnaldy. Wiktorinada rus halkynyň beýik şahyrynyň ömri we döredijiligi barada soraglar berildi. Soňra talyplar şahyryň ajaýyp goşgularyny labyzly okap çykyş etdiler.
Çäräniň barşynda talyplaryň arasynda rus diliniň leksikasyna we grammatikasyna bagyşlanyp «Öz oýnuň» atly oýun geçirildi. Şeýle çäreleriň yzygiderli geçirilmegi talyp ýaşlarda poeziýa, nusgawy eserlere bolan söýgüni oýarmakda uly ähmiýete eýedir. Sergeý Ýeseniniň aýdyşy ýaly, Puşkine akyl ýetirmek üçin zehin gerek. Onuň edebi dünýäsine aralaşmak arkaly her bir okyjy özüniň ruhy dünýäsini açýandyr.
Dawut GEZEROW,
TDIM-iň Halkara gatnaşyklary institutynyň
Halkara ykdysady gatnaşyklary fakutetiniň
I ýyl talyby.