OKUW-USULY SEMINAR GEÇIRILDI
2025-nji ýylyň 19-njy martynda Türkmenistanyň Daşary işler ministrliginiň Halkara gatnaşyklary institutynda Türkmen döwlet ykdysadyýet we dolandyryş institutynyň guramagynda onlaýn okuw-usuly seminar geçirildi. Seminara sanly ulgam arkaly ýurdumyzyň ýokary okuw mekdepleriniň şol sanda Türkmenistanyň Daşary işler ministrliginiň Halkara gatnaşyklary institutynyň professor-mugallymlary hem gatnaşdylar.
Bu onlaýn seminary Türkmen döwlet ykdysadyýet we dolandyryş institutynyň sanly ykdysadyýet kafedrasynyň mugallymy Narly Babanazarow alyp baryp, ol " Halkara indekslenýän neşirlerde ylmy makalalary çap etmegiň usulyýeti" atly tema boýunça çykyş etdi.
Seminarda professor-mugallymlaryň, hünärmenleriň halkara derejeli neşirlere makalalaryny çap etmegiň usulyýeti, makalanyň taýýarlanyşynyň ähmiýeti barada giňişleýin durlup geçildi.
Seminaryň ahyrynda oňa gatnaşyjylar özlerini gyzyklandyrýan soraglar bilen halypa mugallyma ýüzlenip, olara anyk jogaplary aldylar.
GÜLJEMAL ORAZOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.