OKUW-USULY MASLAHAT GEÇIRILDI
2025-nji ýylyň 29-njy martynda Türkmenistanyň Daşary işler ministrliginiň
Halkara gatnaşyklary institutynda abraýly halkara ylmy-tehniki maglumat
çeşmelerinde (platformalarda) indekslenýän žurnallarda makalalaryň çap
edilmegini utgaşdyrmak boýunça 2025-nji ýyl üçin taýýarlanan Ýol kartasynda göz
öňünde tutulan çäreleri durmuşa geçirmek maksady bilen, ýokary okuw
mekdepleriniň mugallymlarynyň, şeýle-de hünärmenleriniň gatnaşmagynda
«Akademiki ýazuw we ylmy makalanyň stili» we «Halkara ylmy-tehniki
maglumat çeşmelerinde indekslenýän ylmy-amaly maslahatlar üçin nutuk (tezis)
taýýarlanmagyň düzgünleri » atly temalar boýunça sanly ulgam arkaly usuly
maslahat geçirildi. Maslahata sanly ulgam arkaly ýurdumyzyň ýokary okuw
mekdepleriniň şol sanda Türkmenistanyň Daşary işler ministrliginiň Halkara
gatnaşyklary institutynyň professor-mugallymlary hem gatnaşdylar.
Okuw maslahatynda professor-mugallymlaryň, hünärmenleriň halkara
derejeli neşirlere makalalaryny çap etmegiň usullary, makalanyň taýýarlanyşynyň
ähmiýeti we onuň dünýä ylym jemgyýetçiliginde möhümligi barada giňişleýin
gürrüň edildi. Okuw-usuly maslahatyň dowamynda gatnaşyjylar mowzuga degişli
özlerini gyzyklandyrýan sowallar arkaly işjeň gatnaşdylar.
Orazmyrat ORAZOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň III ýyl talyby.