OKUW SAPAGY GEÇIRILDI
2024-nji ýylyň 28-nji martynda Türkmenistanyň Daşary işler ministrliginiň Halkara gatnaşyklary institutynda Halkara ykdysady gatnaşyklary kafedrasynyň guramagynda okuw sapagy geçirildi. Okuw sapagyna institutyň talyplary, magistrantlary we “Ýaş ykdysatçylar” ylmy gurnagyň agzalary gatnaşdylar.
Okuw sapagyny Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň dosenti Öwezmyrat Bäşimow alyp bardy. Okuw sapagynyň dowamynda gurnagyň başlygy Ö. Bäşimow “Maldarlara göterimsiz karz bermegiň usuly” barada gürrüň berdi. Ol banklaryň karz amallaryna bolan talaplary, esasan-da onuň göterimine bolan talaby gatnaşyjylaryň dykgatyna ýetirdi. Şeýle-de ol öz iş tejribesinden telekeçi maldarlara göterimsiz karzyň berip bolýandygy bilen gatnaşyjylary tanyşdyrdy. Bellenilenlerden daşary hem bu usuly iş ýüzünde barlap görendigini we onuň netijeliligini gurnaga gatnaşyjylaryň dykgatyna ýetirdi.
Sapagyň dowamynda Halkara ykdysady gatnaşyklary fakultetiniň II ýyl talyby Güljeren Ataýewa gatnaşyjylara lizing kompaniýanyň maksady we ýerine ýetirmeli işleri bilen tanyş etdi. G.Ataýewa gozgalan soragy durmuşa geçirmekde banklaryň düzüminde lizing bölüminiň açylmagyny teklip etdi.
Sapagyň ahyrynda talyplar gozgalan tema barada gyzyklandyrýan birnäçe sowallary bilen mugallyma we talyba ýüzlenip, pikir alyşdylar.
Agahan AGAHANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.