OKUW SAPAGY GEÇIRILDI
2024-nji ýylyň 7-nji maýynda Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň “Ýaş ykdysatçylar” ylmy gurnagynyň agzalarynyň gatnaşmagynda okuw sapagy geçirildi.
Okuw sapagynda Halkara ykdysady gatnaşyklary kafedrasynyň dosenti Öwezmyrat Bäşimowyň ýolbaşçylygynda Halkara ykdysady gatnaşyklary fakultetiniň 3-nji ýyl talyby Wepa Karaýew öz ylmy işi “Aşgabat demir ýol menziliniň işini logistikanyň nukdaýnazaryndan gurnamagy öwrenmek” temasynyň 1-nji tapgyry boýunça seljerilen maglumatlary gatnaşyjylaryň dykgatyna ýetirdi. Ol demir ýol işini logistikanyň nukdaýnazaryndan kämilleşdirmek, şeýle hem dünýä ülňülerine laýyk gelýän hyzmatlary ýurdumyzda ornaşdyrmak boýunça öwrenen işlerini diňleýjilere ýetirdi.
Sapagyň dowamynda talyplar özlerini gyzyklandyrýan sowallar bilen mugallyma we talyba ýüzlenip, pikir alyşdylar.
Resul GYLYJOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.