Talyplar hem okuwçylar agaç nahallaryny oturtdylar
2024-nji ýylyň 8-nji noýabrynda Aşgabаt şäheriniñ Annanyýaz Artyk adyndaky 68-nji orta mekdebinde «Let’s Save the World!» şygary bilen çäre geçirildi. Bu çäre Türkmenistanyň Daşary işler ministrliginiň Halkara gatnaşyklary institutyň Dünýä dilleri kafedrasynyň «EcoClub» gurnagy tarapyndan guraldy.
Gyzykly geçen çärede geljekki halkaraçy hünärmenler ekologiýany goramagyñ ähmiýeti dogrusynda täsirli çykyş etdiler. Ekologiýanyň ýaş wagyzçylaryna mekdep okuwçylary gyzykly sowallary berdiler.
Çäräniň ahyrynda «EcoClub» gurnagynyň işjeň agzalary, okuwçylar bilen bilelikde mekdebiň töwereginde agaç nahallaryny oturtdylar.
Ogulbibi BAÝRAMMAMMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.