TÜRKMEN DIPLOMATIÝASYNYŇ ÝOKARY MEKDEBINIŇ TALYPLARYNYŇ NOBATDAKY ÜSTÜNLIGI
2024-nji ýylyň 16-njy aprelinde Türkmen döwlet medeniýet institutynda Türkmenistanyň taryhy dersi boýunça ýurdumyzyň ýokary okuw mekdepleriniň talyplarynyň arasynda onlaýn ders bäsleşigi geçirildi. Bäsleşige ýurdumyzyň dürli ýokary okuw mekdeplerinden talyplaryň 90-dan gowragy gatnaşdy. Eminleriň gelen netijelerine görä, bäsleşige gatnaşyjy talyplaryň 25-si I, II we III orunlary eýelediler. Türkmenistanyň Daşary işler ministrliginiň Halkara gatnaşyklary institutynyň talyplary hem ders bäsleşiginde üstünlikli çykyş edip, institutyň Halkara gatnaşyklary fakultetiniň I ýyl talyby Şyhdurdy Şyhyýew, şol fakultetiň II ýyl talyplary Hojamyrat Baýlyýew, Şasenem Meýlisowa, Halkara žurnalistikasy fakultetiniň II ýyl talyby Kakageldi Akmyradow dagy II orna mynasyp bolmagy başardylar.
Elbetde geljekki halkaraçy hünärmenler üçin halkymyzyň şöhratly taryhyny bilmeklik möhüm wezipeleriň biri bolup durýar. Döwletimiziň taryhyny öwrenmeklik bolsa, geljege ynamly ýollara atarýar.
Şasenem MEÝLISOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.