Magtymguly Pyragy: jemagat diplomatiýasynyň gözbaşynda
2024-nji ýylyň 10-njy oktýabrynda Türkmenistanyň Daşary işler ministrliginiň Halkara gatnaşyklary institutynda türkmeniň nusgawy şahyry, beýik akyldar Magtymguly Pyragynyň doglan gününiň 300 ýyllygyna bagyşlanan dabaraly çäre geçirildi. Çärä myhmanlar, professor-mugallymlar, türkmen diplomatiýasynyň milli mekdebiniň talyp ýaşlary gatnaşdylar.
Çäräniň dowamynda türki ýurtlarynyň taryhyny öwreniji Derýa Soýsal sebitiň transport we ulag-üstaşyr potensialyny döretmekde we ilerletmekde Türkmenistanyň işjeň ornuny belläp geçdi. Bilşimiz ýaly, Türkmenistan 2023-nji ýylyň 14-nji noýabrynda Ýewropa, Kawkaz we Aziýa sebitlerinde ykdysady gatnaşyklary, söwda we ulag aragatnaşygyny ösdürmegi maksat edinýän Ýewropa-Kawkaz-Aziýa taslamasyny ösdürmek üçin Halkara transport baradaky köptaraplaýyn şertnama goşulypdy.
Çärede “Diplomatik dünýä” institutynyň professory Oliwiýe Arifon geljekki diplomatlara jemagat diplomatiýasy barada gürrüň berdi, sebäbi häzirki wagtda islendik döwletiň üýtgewsiz nyşany hökmünde jemagat diplomatiýasy çykyş edýär.
Magtymguly Pyragynyň doglan gününiň 300 ýyllygyna bagyşlanyp, 2024-nji ýylyň 11-nji oktýabrynda geçiriljek “Döwürleriň we siwilizasiýalaryň özara arabaglanyşygy − parahatçylygyň we ösüşiň binýady” atly halkara forumy barada aýratyn nygtalyp geçildi.
Şyhdurdy ŞYHYÝEW,
Türkmenistanyň Daşary işler ministrligniň
Halkara gatnaşyklary institutynyň
Halkara gatnaşyklary fakultetiniň II ýyl talyby.