Lingwo World ylmy gurnagy tarapyndan Gahryman Arkadagymyzyň “Hakyda göwheri” atly kitaby boýunça breýn-ring
2025-nji ýylyň 6-njy martynda Türkmenistanyň Daşary işler ministrliginiň Halkara gatnaşyklary institutynda Lingo-World ylmy gurnagy tarapyndan nobatdaky intellektual bäsleşik geçirildi. Iňlis dilinde geçirilen bäsleşige bu ýokary okuw mekdebiň ähli fakultetlerinden talyplar gatnaşdylar. Iki tapgyrdan ybarat bolan bäsleşigiň birinji tapgyrynda talyplar Gahryman Arkadagymyzyň “Hakyda göwheri” atly kitabyndan dürli soraglara jogap berdiler.
Bäsleşigiň ikinji tapgyrynda kitap seljeriş synagy boldy. Bu tapgyrda ýaşlar Gahryman Arkadagymyzyň “Hakyda göwheri” atly ajaýyp kitabyndan berlen parçalaryň haýsy bölüme degişlidigini anyklap, olaryň düýp manysyny düşündirdiler.
Bäsleşigiň jemleri boýunça Halkara žurnalistikasy fakultetiniň talyplary birinji orna, Halkara hukugy fakultetiniň talyplary bolsa, ikinji orna mynasyp boldular. Bäsleşigiň dowamynda berlen soraglar talyplaryň gymmatly maglumatlary ýatlamak, seljermek ýaly ukyp-başarnyklaryny synagdan geçirdi.
Enejan ORAZMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Dünýä dilleri kafedrasynyň mugallymy.