Iş saparynyň netijelerine bagyşlanan brifing geçirildi
2025-nji ýylyň 7-nji aprelinde Türkmenistanyň Daşary işler ministrliginiň
Halkara gatnaşyklary institutynda Türkmenistanyň Bilim ministrliginiň,
Türkmenistanyň Magtymguly adyndaky Ýaşlar guramasynyň merkezi geňeşiniň
hem-de Türkmenistanyň Daşary işler ministrliginiň Halkara gatnaşyklary
institutynyň bilelikde guramagynda “Türkmenistanyň ýaşlarynyň halkara
hyzmatdaşlyk strategiýasyny amala aşyrmagyň çäklerinde Hindistan
Respublikasynda geçirilen iş saparyň netijeleri” atly brifing geçirildi.
Onuň dowamynda Türkmenistanyň Magtymguly adyndaky Ýaşlar
guramasynyň merkezi geňeşiniň Halkara hyzmatdaşlyk bölüminiň müdiri Begenç
Halnepesow, Türkmenistanyň Telekommunikasiýalar we informatika institutynyň
Aftomatlaşdyrma kafedrasynyň mugallymy Şaýymow Sapar, Türkmenistanyň
Magtymguly adyndaky ýaşlar guramasynyň ýanyndaky “Arkadagly ýaşlar” atly
elektron žurnalynyň redaksiýasynyň jogapkär kätibi Myradow Gurban, S.A
Nyýazow adyndaky Türkmen oba hojalyk uniwersitetiniň Diller kafedrasynyň
mugallymy Gurbanmyradow Güýçmyrat we TDIM-niň Halkara gatnaşyklary
institutynyň Halkara gatnaşyklary we diplomatiýa kafedrasynyň mugallymy Yslam
Şükürow çykyş edip, Hindistan Respublikasyna amala aşyrylan iş sapary boýunça
talyplara giň we gyzykly maglumatlary gürrüň berdiler.
Çykyş edenleriň belleýşi ýaly, ýurdumyzyň Bitaraplyk derejesine esaslanýan
daşary syýasatynda dünýä döwletleri, iri halkara guramalary bilen özara bähbitli
hyzmatdaşlyga aýratyn üns berilýändigi nygtaldy.
Aýgözel AMANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.