“Innowasiýalar, täze tehnologiýalar we olary önümçilige ornaşdyrmagyň meseleleri” atly III türkmen-hytaý ylmy-innowasion forumy geçirilýär.
2024-nji ýylyň 26-njy noýabrynda “Innowasiýalar, täze tehnologiýalar we olary önümçilige ornaşdyrmagyň meseleleri” atly III türkmen-hytaý ylmy-innowasion forumy Türkmenistanyň Ylymlar akademiýasynyň Halkara ylmy-tehnologiýa parkynda öz işine başlady. III türkmen-hytaý ylmy-innowasion forumyň açylyş dabarasynda Hormatly Prezidentimiziň foruma gatnaşyjylara gutlagy okaldy.
III türkmen-hytaý ylmy-innowasion forumynda türkmen we hytaý alymlary öz ylmy taslamalary, nanatehnologiýa, biologiýa, oba-hojalygy we beýleki ulgamlarda durmuşa ornaşdyrylan we ornaşdyryp boljak ylmy pikirleri bilen çykyş etdiler. Foruma ýurdumyzyň alymlary, ylmy işgärleri, ýokary okuw mekdepleriniň professor-mugallymlary bilen birlikde Türkmenistanyň Daşary işler ministrliginiň Halkara gatnaşyklary institutynyň professor-mugallymlary hem işjeň gatnaşdylar. Foruma gatnaşyjylar ýurdumyzyň ylmy ösüşler bilen aýakdaş gitmeginde ähli mümkinçilikleri döredip berýän türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza alkyş sözlerini aýtdylar.
2024-nji ýylyň 27-nji noýabrynda forum öz işini dowam etdirýär. Alymlar dürli ugurlara bagyşlanan tegelek stol duşuşyklarynyň çäginde öz ylmy tekliplerini ara alyp maslahatlaşarlar we pikir alyşarlar.
Aýna BAÝMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
uly mugallymy, taryh ylymlarynyň kandidaty.