“Human rights with Neutrality” atly referat bäsleşiginiň jemi jemlendi
2024-nji ýylyň 17-nji dekabrynda Türkmenistanyň Daşary işler ministrliginiň Halkara gatnaşyklary institutynyň Ýaş alymlar geňeşiniň we “Parahatçylyk medeniýeti” atly ÝUNESKO klubynyň guramagynda Adam hukuklarynyň ählumumy Jarnamasynyň kabul edilmeginiň 76 ýyllygyna hem-de Halkara Bitaraplyk gününiň 29 ýyllygyna bagyşlanyp geçirilen “Human rights with Neutrality” temasy boýunça talyplaryň arasynda yglan edilen referat bäsleşiginiň jemi jemlendi.
Bäsleşigiň esasy maksady, Adam hukuklarynyň ählumumy Jarnamasynyň we Hemişelik Bitaraplygymyzyň ähmiýetini talyp ýaşlaryň arasynda wagyz etmek, watansöýüjilik duýgularyny ösdürmek, hemişelik Bitaraplygyň gymmatyna düşünmek arkaly beýan etmek ukybyny kämilleşdirmekden ybarat bolup durýar.
Bu bäsleşige Halkara gatnaşyklary we diplomatiýa, Halkara hukugy, Halkara ykdysady gatnaşyklary we Halkara žurnalistikasy fakultetleriniň talyplarynyň birnäçesi gatnaşyp, olardan tapawutlananlara Hormat hatlary we ýadygärlik sowgatlar berildi.
Aýgözel AMANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.