Wenesuelanyň Ilçisi bilen duşuşyk
2024-nji ýylyň 27-nji martynda Türkmenistanyň Daşary işler ministrliginiň Halkara gatnaşyklary institutynda Wenesuela Boliwarian Respublikasynyň Türkmenistandaky Adatdan daşary we Doly ygtyýarly Ilçisi Kristofer Alberto Martinez Berroteranyň (oturýan ýeri Baku ş.) bilen duşuşyk geçirildi. Duşuşyga Milli diplomatiýanyň ýokary okuw mekdebiniň hem-de Halkara ynsanperwer ylymlary we ösüş uniwersitetiniň professor-mugallymlary we talyp ýaşlary gatnaşdylar.
Hormatly Ilçi duşuşygyň dowamynda Türkmenistan bilen Wenesuela Boliwarian Respublikasynyň arasyndaky syýasy-diplomatik, söwda-ykdysady, medeni-ynsanperwer ugurlary boýunça ýetilen sepgitler we durmuşa geçirilen işler barada, şeýle hem, özüniň baý iş we durmuş tejribesi hakda gyzykly gürrüňleri berdi.
Täsirli geçen duşuşygyň ahyrynda talyplar Ilçä özlerini gyzyklandyrýan soraglary bilen ýüzlenip, olara giňişleýin jogap aldylar.
Merdan BERDINYÝAZOW,
Türkmenistanyň Daşary işler ministrliginiň
Halkara gatnaşyklary institutynyň
uly mugallymy.
Bu barada şu ýerde hem okap bilersiňiz: