Halkara ylmy-tehniki maglumat çeşmeleri barada okuw-usuly maslahat geçirildi
2025-nji ýylyň 2-nji aprelinde Türkmenistanyň Daşary işler ministrliginiň
Halkara gatnaşyklary institutynda “Ýaş alymlar geňeşi” tarapyndan “Halkara
ylmy-tehniki maglumat çeşmeleri (platformalar) barada düşünje” atly okuw-
usuly maslahat geçirildi. Maslahata institutyň ähli kafedralarynyň mugallymlary
gatnaşdylar. Bu okuw-usuly maslahaty “Ýaş alymlar geňeşiniň” başlygy,
Halkara hukugy we deňeşdirme hukuk öwreniş kafedrasynyň mugallymy
Gülsenem Hommadowa alyp bardy.
Okuw-usuly maslahatynda Türkmenistanda ylmyň we tehnologiýalaryň
ileri tutulýan ugurlary we strategiýasy, şeýle hem halkara ylmy-tehniki
maglumat çeşmeleri barada giňişleýin gürrüň edildi.
Okuw-usuly maslahatyň dowamynda oňa gatnaşyjylar mowzuga degişli
özlerini gyzyklandyrýan sowallary bermek arkaly işjeň gatnaşdylar.
Ogulşat GARRYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň III ýyl talyby.