HALKARA MALIÝE WE ARBITRAŽ BOÝUNÇA ONLAÝN OKUW SEMINARY GEÇIRILDI
2025-nji ýylyň 3-nji aprelinde “Astana” Halkara maliýe merkeziniň we Halkara arbitraž merkeziniň kazyýetiniň wekiliýetiniň gatnaşmagynda okuw seminary geçirildi. Bu okuw seminara Magtymguly adyndaky Türkmen döwlet uniwersitetiniň, Halkara ynsanperwer ylymlary we ösüş uniwersitetiniň hem-de Türkmenistanyň Daşary işler ministrliginiň Halkara gatnaşyklary institutynyň hukuk fakultetleriniň mugallymlary we talyplary onlaýn görnüşinde gatnaşdylar.
Okuw seminarynyň dowamynda arbitraž kazyýetleriniň alyp barýan işleri, hususan-da döwlet edaralarynyň, kanun esasynda hasaba alnan ýuridiki şahslaryň, telekeçilik bilen meşgullanýan raýatlaryň arasynda ýüze çykýan ykdysady jedellerine seredilişi hem-de beýleki kazyýet işleri barada giňişleýin gürrüň edildi.
Talyplar üçin halkara maliýe we arbitraž bilen baglanyşykly daşary ýurt hünärmenleri bilen geçirilen onlaýn okuw seminary örän täsirli boldy. Onda talyplar özlerini gyzyklandyrýan sowallara jogap tapdylar.
Merjen GURBANNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň uly mugallymy.