HALKARA ESSE BÄSLEŞIGINDE GAZANAN ÜSTÜNLIGIM
2024-nji ýylyň 8-nji maýynda Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň gurnamagynda Merkezi Aziýa ýurtlarynyň (Türkmenistan, Gazagystan Respublikasy, Gyrgyz Respublikasy, Täjigistan Respublikasy, Özbegistan Respublikasy) ýokary okuw mekdepleriniň talyplarynyň, magistrantlarynyň arasynda “Dünýäde parahatçylygy we howpsuzlygy gorap saklamakda halkara ynsanperwer hukugynyň ähmiýeti” atly tema boýunça esse (düzme) ýazmak bäsleşigi geçirildi. Men halkara hukukçy talyp hökmünde bu bäsleşigiň yglan edilen gününden uly taýýarlyk görüp, bildirilen talaplara laýyklykda, özümiň ýazan Esse (düzme) işimi tabşyrdym we onuň netijelerine sabyrsyzlyk bilen garaşdym. 2024-nji ýylyň 1-nji maýynda bäsleşigiň netijeleri boýunça institutyň websaýtynda (iirmfa.edu.tm) ýerleşdirilen esse bäsleşigine tabşyrylan onlarça işleriň içinden meniň ýazan işimiň 1-nji orna mynasyp bolandygyna we yhlasymyň ýerine düşendigine gaty begendim.
Bu bäsleşige gatnaşmak meniň üçin şahsy we hünär taýdan gaty gymmatly tejribe boldy, ýagny bilimimi we başarnygymy görkezmek üçin halkara ynsanperwer hukugy bilen baglanyşykly çylşyrymly meseleler bilen gatnaşmaga mümkinçilik berdi.
Bu üstünlik hakynda oýlananymda, onuň bilen baglanyşykly çuňňur jogapkärçiligi ýadyma salýaryn. Geljekde öz bilimlerimi we başarnyklarymy adam hukuklaryny goramak we ynsanperwerlik ýörelgelerini öňe sürmek üçin ulanmagy ýüregime düwdüm. Bu abraýly baýragy almak meni uly şatlyk hem-de buýsanç we şeýle zehinli gatnaşyjylaryň arasynda özümiň tanalýandygyma buýsanýaryn.
Meniň üçin bu ýeňiş saýlap alan hünärimde uly tejribe bolup durýar we öz ukyp-başarnygymy, şeýle zehinli adamlar bilen bäsleşmek uly mertebedir. Bu bäsleşige gatnaşmak üçin döredilen mümkinçilikler üçin çuňňur minnetdarlygymy bildirýärin.
Merdan ÇARYÝEW,
Halkara ynsanperwer ylymlary we ösüş uniwersitetiniň
Halkara hukugy we halkara gatnaşyklary
fakultetiniň III ýyl talyby.