Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň howandarlyk etmegindäki döredijilik bäsleşigi geçirildi
2025-nji ýylyň 26-njy martynda Türkmenistanyň Daşary işler ministrliginiň
Halkara gatnaşyklary institutynda Gurbanguly Berdimuhamedow adyndaky
Howandarlyga mätäç çagalara hemaýat bermek boýunça haýyr-sahawat
gaznasynyň howandarlyk etmeginde çagalaryň arasynda “Halkara parahatçylyk we
ynanyşmak ýyly: çagalaryň gözýetimi, dünýägaraýşy” atly döredijilik bäsleşigi
geçirildi. Yglan edilen bu döredijilik bäsleşigi 4 (dört) ýaşdan 11 (on bir) ýaşa
çenli çagalaryň arasynda üç ugur boýunça, ýagny 1-nji ugry surat çekmek we
amaly haşam sungaty, 2-nji ugry aýdym-saz we tans sungaty, 3-nji ugry bolsa
türkmen milli oýunlary bilen baglanyşykly bolup, ol Türkmenistanda akkreditlenen
diplomatik wekilhanalarynyň we halkara guramalarynyň wekilhanalarynyň
ýolbaşçylarynyň we işgärleriniň çagalarynyň arasynda geçirildi. Döredijilik
bäsleşiginiň jemleri 2025-nji ýylyň 29-njy martynda Gurbanguly
Berdimuhamedow adyndaky Howandarlyga mätäç çagalara hemaýat bermek
boýunça haýyr-sahawat gaznasynyň döredilmeginiň dört ýyllygy mynasybetli
guralýan çäreleriň çäklerinde jemlener.
Berkarar döwletiň täze eýýamynyň Galkynyşy döwründe ösüp gelýän ýaş
nesilleri durmuş taýdan goldamak, howandarlyga mätäç çagalaryň saglygynyň
dikeldilmegine ýardam bermek, olaryň bagtyýar durmuşda ýaşamagy üçin amatly
şertleri döretmek maksady bilen döredilen Gurbanguly Berdimuhamedow
adyndaky Howandarlyga mätäç çagalara hemaýat bermek boýunça haýyr-sahawat
gaznasy dünýä nusgalyk ynsanperwer ýörelgeleri esasy ugur edinýär.
Oguljahan JOBBOROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň IV ýyl talyby.