Germaniýa Federatiw respublikasynyň hünärmenleriniň gatnaşmagy bilen bolan duşuşyk
2025-nji ýylyň 11-nji martynda Türkmenistanyň Daşary işler ministrliginiň
Halkara gatnaşyklar institutynda Germaniýa Federatiw respublikasyndan gelen
hünärmenleriň gatnaşmagynda duşuşyk geçirildi. Bu duşuşyk bilim we ylym
ulgamynda, ykdysady ösüşlerde alnyp barylýan halkara hyzmatdaşlygyna
bagyşlanan çykyşlary özünde jemledi.
Germaniýanyň akademiki alyş-çalyş gullugynyň (DAAD) Demirgazyk we
Gündogar Ýewropa, Merkezi Aziýa we Günorta Kawkaz boýunça ST22 bölüminiň
müdiriniň orunbasary Wera Rogowa, Fulda amaly ylymlar uniwersitetiniň
Ykdysadyýet fakultetiniň okuw işleri boýunça dekany, doktor Joanna Ozga,
Waýenştefen-Trizdorf amaly ylymlar uniwersitetiniň Oba hojalygy, azyk we iýmit
önümleri fakultetiniň professory, Ditrih Dar we Köln Tehniki Uniwersitetiniň
Informatika we mehanika ylymlary fakultetiniň professory Dr. Kristian Wolf
institutymyzyň talyplaryna öňdebaryjy tehnologiýlar, sirkulýar ykdysadyýetiň
amatlyklary barada täsirli çykyşlar etdiler.
Germaniýa döwletiniň “DAAD” Maksatnamasy boýunça Wera Rogowanyň
“Nemes uniwersitetleriniň halkara gatnaşyklary we DAAD-yň işleri” temasy
boýunça iňlis dilinde berlen maglumatlar talyplara daşary ýurt dillerini kämil
bilmegiň we öz hünäriniň ussady bolmaga çemeleşmegiň bähbidi barada berlen
çykyş talyplar üçin has-da täsirli boldy. Professor Kristian Wolfyň “Durnukly
sirkulýar ykdysadyýeti we Köln Tehniki Uniwersitetinde alnyp barylýan ylmy-
barlag işleri” temasynda berlen çykyş diňleýjileriň arasynda uly gyzyklanma
döretdi.
Bu duşuşyk, Türkmenistan bilen Germaniýanyň arasynda ylym-bilim
ulgamyndaky gatnaşyklary pugtalandyrmakda, özara tejribe alyşmaga we geljekki
hyzmatdaşlyga täze mümkinçilikleri açmakda möhüm ädim boldy.
Maýa Atajanowa,
Türkmenistanyň Daşary işler ministrliginiň
Halkara gatnaşyklary institutynyň
Dünýä dilleri kafedrasynyň uly mugallymy