GANDBOL SPORTY BOÝUNÇA HALKARA OKUW-SEMINAR MASLAHATY GEÇIRILDI
2024-nji ýylyň 27-31-nji oktýabr aralygynda sportuň gandbol görnüşi boýunça Türkmenistanyň Daşary işler ministrliginiň Halkara gatnaşyklary institutynda Türkmenistanyň Gandbol federasiýasynyň guramagynda tälimçiler üçin halkara okuw-seminar maslahaty geçirildi.
Okuw-seminar maslahatyň dowamynda sport diplomatiýasynyň häzirki wagtda halkara gatnaşyklarynda parahatçylygy berkitmekde we halklary dostlaşdyrmakda möhüm gural hökmünde hyzmat edýändigi barada aýdyldy. Şeýle-de sportuň gandbol görnüşiniň inçe tilsimleri, aýratynlyklary barada giňişleýin maglumat berdiler.
Bu maslahata ussat hünärmenleriň, tälimçi-mugallymlaryň gatnaşmagy ýurdumyzda gandbol sportunyň ýokary derejä ýetilýändiginden habar berýär. Täsirli geçen okuw-seminar maslahaty özüniň netijeliligi bilen tapawutlandy.
Kakageldi AKMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
III ýyl talyby.