“Gadymy Änew medeniýeti” atly ylmy-amaly maslahat geçirildi
2024-nji ýylyň 21-nji noýabrynda Türkmenistanyň Daşary işler ministrliginiň Halkara gatnaşyklary institutynda “Paýhas we parasat” ylmy gurnagynyň guramagynda “Gadymy Änew medeniýeti” atly ylmy-amaly maslahat geçirildi. Bu maslahata institutymyzda bilim alýan talyplardan 14-si işjeň gatnaşyp, prezentasiýalar, wideorolikler bilen çykyş etdiler. Ylmy-amaly maslahatyň dowamynda Jemgyýeti öwreniş ylymlary kafedrasynyň uly mugallymy, taryh ylymlarynyň kandidaty Bahar Hojagulyýewa çykyş edip, Änew şäheriniň taryhy barada ylmy derejede gürrüň berdi.
Maslahatyň dowamynda aýratyn tapawutlanan talyplar – Halkara hukugy fakultetiniň I ýyl talyplary Nurana Arnazarowa, Maksat Alymbaýew, Halkara ykdysady gatnaşyklary fakultetiniň I ýyl talyby Hojanyýaz Guwanjow, Halkara gatnaşyklary fakultetiniň I ýyl talyby Mährijemal Orazmyradowa, Halkara žurnalistikasy fakultetiniň I ýyl talyby Şamuhammet Elýasow hormat hatlary bilen sylaglandylar.
Mährijemal ORAZMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.