Eýran Yslam Respublikasynyň sergisi geçirildi
2024-nji ýylyň 16-18-nji dekabr aralygynda paýtagtymyzyň Söwda-senagat
edarasynda Eýran Yslam Respublikasynyň XVI «Iran Agrofood» atly
ýöriteleşdirilen sergisi, şeýle hem onuň çäklerinde türkmen-eýran işewürlik
maslahaty geçirildi.
Sergä Eýranyň döwlet hem-de söwda-senagat, oba hojalyk, azyk we
gaýtadan işleýän pudaklarynda, himiki we gaplaýyş önümçiliginde, logistika, bank,
söwda, hyzmatlar ulgamynda iş alyp barýan kompaniýalarynyň 60-a golaýynyň
wekilleri gatnaşdy. Sergide azyk önümçiligine uly orun berlipdir. Şolaryň
hatarynda «Ashuradeh Dairy», «Golestan Sabah Dairy» kompaniýalary dürli
görnüşli süýt önümleri , «ATP Group» kompaniýasynyň gazlandyrylan içgileri,
şokoladly we süýji önümleri, «Mashhad Asana Behrouz» kompaniýasynyň
gaplama we konserwirlenen önümleri, dürli miwelerden taýýarlanan mürepbeleri
sergä gatnaşyjylaryň ünsüni çekdi. «Behchino» kompaniýasynyň dermanlyk
ösümliklerden taýýarlanan melhemlik içgileridir çaýlary-da myhmanlarda uly
gyzyklanma döretdi.
Sergide EYR-nyň energetika ministri Abbas Aliabadä söz berildi. Bellenilişi
ýaly, şu gezekki giň gerimli gözden geçiriliş ikitaraplaýyn hyzmatdaşlygy
giňeltmäge, ony hil taýdan täze derejelere çykarmaga, söwda-ykdysady ulgamda
bilelikdäki taslamalary üstünlikli durmuşa geçirmäge gönükdirilendir.
Bu çäreleriň esasy maksady eýran önümlerini Türkmenistanyň bazaryna
hödürlemäge we täze işewürlik gatnaşyklaryny ýola goýmaga mümkinçilik berýän
eýran kompaniýalary üçin meýdançany döretmekden ybaratdyr.
Tawus DURDYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
I ýyl talyby.