“Elektron okuw kitaplaryny döretmegiň häzirki zaman tehnologiýalary” atly webinar geçirildi
2025-nji ýylyň 3-nji aprelinde Türkmenistanyň Daşary işler ministrliginiň Halkara gatnaşyklary institutynda Türkmenistanyň Halkara parahatçylyk we ynanyşmak ýylynyň dowamyndaky meýilleşdirilen işleriniň hem-de ugurlarynyň Konsepsiýasyna laýyklykda, “Elektron okuw kitaplaryny döretmegiň häzirki zaman tehnologiýalary” atly webinar geçirildi. Oňa sanly ulgam arkaly Türkmenistanyň ýokary okuw mekdepleriniň mugallymlary we talyp ýaşlary gatnaşdylar. Bu webinarda Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň uly mugallymy, fizika-matematika ylymlarynyň kandidaty Gaplaň Esenamanow çykyş etdi.
Sanly okuw sapagynyň dowamynda halypa mugallym elektron kitaplaryň tehnologiýa esaslanýan bilimiň esasy serişdeleriniň biridigiṇi, bu kitaplaryň köpsanly artykmaçlyklara, olardan bu resurslaryň arzandygy, elýeterlidigini, düzedişleri girizmegiň ýeňil we çaltdygyny, dürli tehniki serişdelerde olar bilen işlemegiň ýeňilleşdirilýändigi barada giňişleýin gürrüň berdi.
Sanlaýyn kitaplaryň ähmiýeti barada berlen maglumatlar talyp ýaşlar üçin örän täsirli boldy.
Aýjahan GULHANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň IV ýyl talyby.