DIPLOMATIÝA BAGYŞLANAN ÖMÜR
2024-nji ýylyň 25-nji iýulynda Türkmenistanyň Daşary işler ministrliginiň
Halkara gatnaşyklary institutynda Türkmenistanyň Adatdan daşary we Doly
ygtyýarly ilçisi, Türkmenistanyň ussat diplomaty, Halkara gatnaşyklary we
diplomatiýa kafedrasynyň müdiri, professor Amangeldi Rahmanowyň 80 ýaş
ýubileý toýy mynasybetli dabara geçirildi. Bu dabara Halkara gatnaşyklary
institutynyň ýolbaşçy düzümi, professor-mugallymlar we halypa diplomatlar
gatnaşdylar.
Dabaranyň dowamynda çykyş edenler ilki bilen, halypa Amangeldi
Rahmanowy 80 ýaş ýubileý toýy bilen gutladylar. Halypa diplomata
Türkmenistanyň Daşary işler ministrliginiň Halkara gatnaşyklary institutynyň
adyndan sowgatlar gowşuryldy.
Dabarada çykyş edenler Türkmenistanyň ussat diplomaty, Türkmenistanyň
Adatdan daşary we Doly ygtyýarly ilçisi Amangeldi Rahmanowy köp ýyllaryň
dowamynda ýurdumyzyň daşary syýasatyny durmuşa geçirmekde uly işleri
bitirendigini nygtadylar. Çykyşlarda ussat diplomatyň halkymyzyň wepaly ogly
bolmak bilen, tutuş ömrüni, yhlas-başarnygynyWatana wepaly gulluk etmäge,
döwletimiziň milli bähbitlerini halkara derejesinde mynasyp goramaga, hususan-
da, Garaşsyz Türkmenistan döwletiniň adyndan Birleşen Milletler Guramasynda
ilkinji wekilçiligi alyp baran döwründe edilen işler dogrusynda bellenilip geçildi.
Halypa Amangeldi Rahmanow Türkmenistanyň Daşary işler ministrliginiň Halkara
gatnaşyklary institutynda zähmet çekýän döwründe gazanan iş tejribesini talyplar
we mugallymlar bilen paýlaşyp, kämil diplomat bolup ýetişmeklerinde ýakyndan
ýardam berendigi mysallar bilen berkidilip, uly buýsanç bilen bellenildi.
Dabaranyň ahyrynda oňa gatnaşyjylar halypa diplomata ylmy işlerinde,
şeýle-de ýaşlara bilim-teriýe bermekde alyp barýan işlerinde uly üstünlikleri arzuw
etdiler.
Suraý ÖWLIÝAGULYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary we diplomatiýa
kafedrasynyň mugallymy.